2020-2021 оқу жылы «Адал ұрпақ» сыбайлас жемқорлыққа қарсы ерікті клубтың атқарған жұмыстары туралы Есеп беру

2020-2021 оқу жылы «Адал ұрпақ» сыбайлас жемқорлыққа қарсы ерікті клубының атқарған жұмыстары туралы есебі

2020-2021 оқу жылы «Адал ұрпақ»

сыбайлас жемқорлыққа қарсы ерікті клубтың

 атқарған жұмыстары туралы

 Есеп беру

Қазіргі қазақстандық мектептегі білім беру мазмұны жоғары әлеуметтік және азаматтық жауапкершілікті қалыптастыру үшін жастардың барлық санаттарын қамтудың толықтығын қамтамасыз етудің маңыздылығын ұсынады. Мұндай жұмыстың нәтижелі болуының негізгі шарты оның жүйелілігі, үздіксіздігі және реттілігі болып табылады. Оны оқу-тәрбие процесінің барлық қатысушылары (оқушылар, әкімшілік, мұғалімдер, ата-аналар) мемлекеттік және қоғамдық ұйымдармен тығыз байланыста жүзеге асыруы керек.

Қазақстан Республикасының 2015-2025 жылдарға арналған сыбайлас жемқорлыққа қарсы стратегиясының, Білім берудің тұжырымдамалық негіздерінің басым бағыттарын іске асыру шеңберінде сыбайлас жемқорлыққа қарсы мәдениетті қалыптастыру мектептің тәрбие жоспарына енгізілген.

Сыбайлас жемқорлықпен күрес бүкіл қоғамның, әрбір азаматтың ісі екенін әрбір қазақстандық түсінуі керек. Сондықтан бала кезінен Отанға деген сүйіспеншілікке, білім мен еңбекке құштарлыққа, әдептілік пен адалдыққа тәрбиелеу керек.

Мектеп ортасында сыбайлас жемқорлыққа қарсы мәдениетті қалыптастыру және оқушылардың құқықтық сауаттылығын арттыру мақсатында ББ.15.11.16 ж. № 11-1-4 / 6862 хаты негізінде 5- тармағында мектеп жағдайында сыбайлас жемқорлыққа қарсы мәдениетті қалыптастыру бойынша тәрбие жұмысының үлгілік жоспарына сәйкес мектепте «Адал ұрпақ» ерікті клубы құрылды. Оның негізгі міндеті – мектеп ортасында сыбайлас жемқорлыққа қарсы мәдениетті қалыптастыру, сыбайлас жемқорлыққа төзбеушілік көзқарасты нығайту бастамаларын ынталандыру, сыбайлас жемқорлыққа қарсы іс-шараларды ұйымдастыруға қатысу.

«Адал ұрпақ» ерікті мектеп клубы келесі секциялардан тұрады: сыбайлас жемқорлыққа қарсы білім, сыбайлас жемқорлыққа қарсы ақпараттық және шығармашылық, мәдени іс-шаралар.

Сыбайлас жемқорлыққа қарсы білім бөлімі дәрістер, дөңгелек үстелдер және басқа да танымдық іс-шараларды ұйымдастыруға қатысады.

Сыбайлас жемқорлыққа қарсы ақпараттық-шығармашылық бөлімі іс-шаралар мен үздік бейнероликтерге, суреттерге, эсселерге байқаулар ұйымдастыруға қатысады.

 Мәдени іс-шаралар секциясы акцияларды, флешмобтарды, диалог алаңдарын, қоғамдық және ардагерлер ұйымдарымен, мемлекеттік органдар мен қоғамдық ұйымдардың өкілдерімен кездесулерді және басқа да әлеуметтік маңызы бар іс-шараларды ұйымдастыруға қатысады.

Мектептегі «Адал ұрпақ» клубының құрамына  5-11 сынып оқушылары кіреді, үйірме мүшелерінің жалпы саны 972адам.

Үйірменің өзектілігі оның оқушылардың азаматтық тұлғасы мен дүниетанымының негіздерін қалыптастыруға, рухани-адамгершілікті дамыту мен тәрбиелеуге бағытталған практикалық маңыздылығында, ол оқушылардың адамгершілік нормаларын, адамгершілік көзқарастарын, ұлттық құндылықтарды қабылдауын қамтамасыз етеді.

№ 94 мектеп-гимназиясында мектеп жағдайында сыбайлас жемқорлыққа қарсы мәдениетті қалыптастыруға, яғни сыбайлас жемқорлыққа төзбеушілікті көрсететін құндылықтар жүйесін қолдауға және нығайтуға, оның ішінде мектеп оқушыларының бойында сыбайлас жемқорлыққа деген төзбеушілікті  қалыптастыруға бағытталған, заң талаптарын сақтау мәдениеті , білім және мәдени деңгейін көтеруге бағытталған кешенді шаралар жүзеге асырылады.

Сыбайлас жемқорлыққа қарсы іс-шаралар  белгілі бір білімді қамтиды, сонымен бірге сыбайлас жемқорлыққа теріс көзқарасты, практикалық әлеуметтік дағдыларды және сыбайлас жемқорлық әрекеттерін болдырмауға мүмкіндік беретін қарым-қатынас дағдыларын қалыптастыруға ықпал етеді.

«Адал ұрпақ» клубының бағдарламасы пәнаралық болып табылады, оның мазмұны: тарих, құқықтану, география, әдебиет және басқа да пәндердің аясын кеңейтеді.

«Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы туралы» Қазақстан Республикасы Президентінің 2014 жылғы 26 желтоқсандағы No 986 Жарлығын орындау мақсатында 9-11 сыныптарда «Адам. Қоғам. Құқық», 5-8 сыныптарда «Өзін-өзі тану» және 1-4 сыныптардағы «Дүниетану» сабақтарында пән мұғалімдері сыбайлас жемқорлыққа қарсы тақырыптарды меңгеруді ұйымдастырды. Сыбайлас жемқорлыққа қарсы тақырыптар жалпы құқықтық білім беру сабақтарының күнтізбелік және тақырыптық жоспарлауына енгізілген.

Мектептің 3-қабатының фойесінде сыбайлас жемқорлыққа қарсы тақырыпта «Парасатты азамат» стенді безендірілді. Сондай-ақ мектептің 3-қабатының фойесіндегі «Қатыгездік пен зорлық-зомбылықсыз балалық шақ» стендінде, оқу кабинеттерінде, оқушылардың күнделіктерінде өмірлік қиын жағдайға тап болған баланың жүгінуіне болатын сенім телефондары туралы мәліметтер берілген. Мектептің тәрбие жоспарында оқушыларды сыбайлас жемқорлыққа қарсы тәрбиелеу бойынша іс-шаралар қарастырылған.

Сынып жетекшілері «Адал ұрпақ» клубының мүшелерінің қатысуымен жоғары сыныптарда «Сыбайлас жемқорлыққа қарсымыз», ортаңғы буын сыныптарында «Азаматтардың құқықтары мен міндеттері» тақырыптарында сынып сағаттарын өткізді. Желтоқсан айында 10-сынып оқушылары арасында сыбайлас жемқорлық мәселесіне қатысты сауалнама жүргізіліп, оқушылар аталған сауалнамада  сыбайлас жемқорлық ұғымына нақты анықтама беріп, қоғамдағы сыбайлас жемқорлыққа теріс көзқарастарын білдірді. 9 желтоқсан күні кітапханашы З.Б. Бекбаева және «Адал ұрпақ» клубының мүшелері «Біз сыбайлас жемқорлыққа қарсымыз» атты кітапханалық сабақ ұйымдастырды.

«Құқықтық тәрбиедегі отбасының рөлі» атты ата-аналар жиналысы өткізілді;

«Парасатты азамат» бұрышы безендірілген 

Бүгінгі таңда балалар – қоғамның ең ұйымдасқан, әлеуметтік белсенді бөлігі, жаңа идеялардың генераторы, қоғамның өмірлік күші мен қуаты болып табылады.  Жалпыадамзаттық және ұлттық құндылықтар негізінде тәрбиеленген жас ұрпақ қана аға буынның үмітін ақтап, алға қойған биік мақсаттарға қол жеткізеді.